3. Inuit isertitaat

Kapitalimi uani inuit isertitaanut paasissutissat takuneqarsinnaapput. Immikkoortut arfinilinngorlugit agguarneqarpoq, tassani inuit  isertitaasa assigiinngissusii erseqqissarneqarput, najugaqarfinni aammalu inuttut qanoq inissisimaneq tunngavigalugit saqqummiunneqarlutik.

 

Inuit  isertitaat tamakkiisumik akileraartartut isertitaat tunngavigalugit suliaapput, taakku nalunaarsuiffimmi inuit isertitaanut ilanngunneqarsimapput, ukiullu naanerani 15-inik ukioqalereersimasuullutik. Taassuma saniatigut Naatsorsueqqissaartarfiup inunnik nalunaarsuiffiani ukiup aallartinnerani aamma ukiup naanerani nalunaarsimasuusariaqarpoq.

 

3.1 2019-imi inuit isertitaat

Isertitat pillugit kisitsisitigut paasissutissat aallartillugit isertitat pillugit, ukiumi pingaartinneqartumi inuit isertitaanut tunngasunik nutaanik assigiinngitsunik saqqummiussisoqarpoq.

 

Isertitat pillugit nalunaarsuiffimmut inuit 49.302-t isertitaat 2019-imi nalunaarutigineqarsimapput. Taakkunannga 42.211-t piumasaqaataasut angusimavaat. Taakku isertitaat tunngavialugit 2019-imi inuit isertitaat suliarineqarput.

 

Inuussutissarsiutinit isertitat

Inuussutissarsiutinit isertitat tassaapput, sulisut akissarsiaat, namminersortut suliffeqarfiutiminnit sinneqartoorutaat aamma siunnersortinut akissarsiarititaasut, nunaniillu allanit isertitat il.il. Meerartaarnermi ullormusiat, angalanermi ullormusiat (diæt) aamma sulilluni tunissutisiat taakkununnga isertitanut ilaapput, akissarsiat, sulilluni tunissutisiat il.il. Inuussutissarsiutinit isertitat akileraannginnermi isertitaapput.

 

Takussutissiaq 3.1 2019-imi inuussutissarsiutinit isertitat

	Inuit isertitaat tunngavigalugit	Isertitat annertussusaat	Inuit isertitaasa agguaqati-giissinnerat	Inuit isertitaat tunngavigalugit agguaquti-giissinnerat
	Amerlassusaat	1.000 kr.	Kronit
Inuussutissarsiummit isertitat katillugit................	36.234	9.746.925	230.910	268.999
Akissarsiat, sulilluni tunissutisiat il.il.  ....................	34.731	8.842.851	209.492	254.610
Suliffeqarfiit sinneqartoorutaat	4.034	819.925	19.424	203.253
Nunanit allanit isertitat ......	547	8.544	202	15.620
Akissarsiarititat aamma B-isertitat allat  ...................	3.616	75.606	1.791	20.909

 

Najoqqutaq: http://bank.stat.gl/INNPI101

 

Takussutissiami 3.1-imi takuneqarsinnaavoq 2019-imi inuit 36.234-t inuussutissarsiummit isertitaqarsimasut. Isertitat katillugit 9,7 mia. kr.-iusimapput. 2019-imi agguaqatigiissillugu inuit 42.211-t 230.910 kr.-inik inuussutissarsiutinit isertitaqarsimapput inuillu 36.234-t agguaqatigiissillugu 268.999 kr.-inik inuussutissarsiutinit isertitaqarsimallutik.

 

Inuussutissarsiutinit isertitat annertussusaat ukioqqortussusermit aamma suiaassusermit sunnerneqartarput. Nalinginnaasumik angutit inuussutissarsiutinit isertitaat annertunerusarput arnanut sanilliullugit aamma sulisinnaasut akornanni inuussutissarsiummit isertitat annertunerusarput.

 

Titartagaq 3.1. 2019-imi inuussutissarsiummit isertitat ukioqqortussutsinut aamma suiaassutsinut immikkoortillugit

Najoqqutaq: http://bank.stat.gl/INNPI101

 

Isertitat pillugit kisitsisitigut paasissutissanut utoqqalinersiaqalernissamut pinngitsoorani akiliisussaatitaanermut aamma ATP-mut akilikkat akissarsianut ilanngunneqanngillat. Utoqqalinersiaqalernissamut akilerneqartussat aatsaat isertitat pillugit kisitsisitigut paasissutissanut ilanngunneqartarput utoqqalinersiaqalersimagaanni. Nammineerlunili utoqqalinersianut akilikkat ilanngunneqarput ukiumi akiliiffigineqartumi inuussutissarsiummit isertitatut naatsorsuunneqarlutik. Suliffeqarfiit namminersortut naatsorsuutaasa inerneri ukiumi pineqartumut naatsorsuutinut ilanngunneqartarput.

 

Isertitat ikiorsiissutit

Pisortanit ikiorsiissutit isertitat tassaapput utoqqalinersiat, siusinaarluni soraarnerussutisiat, suliffeqanngikkallarnermi ikiorsiissutit assigiinngitsut, pisortanit ikiorsiissutit, ilinniagaqarnermusiat, ineqarnermut tapiissutit aamma meeqqanut tapiissutit. Malugiuk ikiorsiissutit ilaat akileraarutaasussaanngimmata. Akileraarutaasussaanngitsut ilaatigut ukuupput utoqqalinersianut, siusinaarluni soraarnerussutisianut ilinnigaqarnermusianullu tapiissutit assigiinngitsut.

 

Takussutissiaq 3.2 2019-imi pisortanit ikiorsiissutit

	Inuit isertitaat tunngavigalugit	Isertitat annertussusaat	Inuit isertitaasa agguaqati-giissinnerat	Inuit isertitaat tunngavigalugit agguaquti-giissinnerat
	Amerlassusaat	1.000 kr.	Kronit
Pisortat ikiorsiissutaat katillugit	20.027	1.014.461	24.033	50.655
Suliffeqanngikkallarnermi ikiorsiissutit, pisortanit ikiorsiissutit il.il...........	7.175	105.690	2.504	14.730
Suliffeqanngikkallarnermi ikiorsiissutit..............	3.183	30.109	713	9.459
Pisortanit ikiorsiissutit.......	4.909	75.581	1.791	15.396
Ikiorsiissutit allat.........	11.726	272.390	6.453	23.230
Ilinniagaqarnersiutit........	4.975	145.709	3.452	29.288
Ineqarnermut tapit.........	4.739	88.997	2.108	18.780
Meeqqanut tapit..........	5.049	37.684	893	7.464
Pisortanit soraarnerussutisiat	6.455	636.381	15.076	98.587
Pisortanit utoqqalinersiat....	3.908	395.407	9.367	101.179
Pisortanit siusinaartumik soraarnerussutisiat........	2.968	240.974	5.709	81.191

 

Najoqqutaq: http://bank.stat.gl/INNPI101

 

Takussutissiami 3.2-mi takuneqarsinnaavoq 2019-imi inuit 20.027-t  ikiorsiissutinik isertitaqarsimasut. Pisortat ikiorsiissutaat 1,0 mia. kr.-inik naleqarsimapput. 2019-imi agguaqatigiissillugu inuit 42.211-t 24.033 kr.-inik ikiorsiissutinik pisimapput, aamma inuit 20.027-t agguaqatigiissillugu 50.655 kr.-inik pisimallutik.  

 

Aningaasat ikiorsiissutit eqqarsaatigalugit pisortanit soraarnerussutisiat annertunerpaajusimapput 63 pct.-iullutik. Ikiorsiissutit ass. ilinniagaqarnermusiat, ineqarnermut tapiissutit aamma meeqqanut tapiissutit 27 pct.-iusimapput, suliffeqanngikkallarnermut ikiorsiissutit aamma pisortanit ikiorsiissutit allat 10 pct.-iusimasut.

 

Ikiorsiissutinut assigiinngitsunut ukioqqortussuseq apeqqutaasarpoq aamma ikiorsiissutit annertussusaanut, tassunga tunngasoq titartagaq 3.2 takuuk. Inuusuttuaqqat 15-19-it akornanni ukiullit akornanni ikiorsiissutit allat saniatigut ilinniagaqarnersiutinik ikiorsiisarneq annertunersaavoq. Sulisinnaasut akornanni 20-64-illu ukiulinni suliffeqanngikkallarnermi ikiorsiissutit annertunerpaajupput, taakkulu saniatigut ineqarnermut tapit 40-44-illu akornanni ukiulinni annertunerulluni. Pisortanit soraarnerussutisiat ukioqqortusiartorneq malillugu annertusiartorput, 50-54-illu akornanni ukiulinnit aallartereertarluni.

 

Titartagaq 3.2 2019-imi pisortanit ikiorsiissutit ukioqqortussutsinut immikkoortillugit

Najoqqutaq: http://bank.stat.gl/INNPI101

 

Ikiorsiissutit annertussusigisartagaat eqqarsaatigalugit ilaqutariit qanoq isikkoqarneri qiviassallugit naleqquppoq. Pisortanit ikiorsiissutigineqartartut annertussusigisartagaanut uku pingaartuupput; siullertut, inuk kisimiittuunersoq imaluunniit aapparisamik najugaqateqarnersoq, aappaatut ilaqutariit akornanni meeraqarnersoq, meeraqaraanni meeqqanut tapisianik allanillu pisoqarsinnaasarmat.

 

Pigisanit nalilinnit isertitat

Pigisanit nalilinnit isertitat tassaapput inuup imaluunniit ilaqutariit pigisaanit nalilinnit iluanaarutit. Pigisanit nalilinnit isertitanut ilaapput aktianit pappialanillu pigisanit nalilinnit allanit iluanaarutit aamma annaasaqaatit.

 

Pigisanit nalilinnit isertitat tamarmiusut tassaapput ernianit isertitat aamma pigisanit nalilinnit ass. aktianit assigisaannillu isertitat annaasaqaatillu. Ukiuni kingullerni ernianit isertitat ikilisimapput erniat annikillineri pisuullutik.

Takussutissiaq 3.3 2019-imi pigisanit nalilinnit isertitat tamarmiusut

	Inuit isertitaat tunngavigalugit	Isertitat annertussusaat	Inuit isertitaasa agguaqati-giissinnerat	Inuit isertitaat tunngavigalugit agguaquti-giissinnerat
	Amerlassusaat	1.000 kr.	Kronit
Pigisanit isertitat, tamarmiusut	3.604	7.830	185	2.172
Ernianit isertitat  ..........	986	420	10	425
Pigisanit nalilinnit allanit isertitat (aktianit allaniillu isertitat.)  ...	2.756	7.410	176	2.689

 

Najoqqutaq: http://bank.stat.gl/INNPI101

 

Takussutissiami takuneqarsinnaavoq 2019-imi inuit 3.604-t pigisanit nalilinnit isertitaqarsimapput. Pigisanit nalilinnit 7,8 mio. kr.-it isertinneqarsimapput. Pigisanit nalilinnit isertitat annerpaartaat aktianit, obligationinit ernianit assigisaaniillu isertinneqarsimapput. 2019-imi inuit 42.211-usut tamakkerlugit agguaqatigiissillugit pigisanit nalilinnit 185 kr.-it isertitarisimavaat, inuillu pigisanit nalilinnit isertitaqarsimasut 3.604-t agguaqatigiissillugu 2.172 kr.-inik isertitaqarsimapput.

 

Inuunerup ingerlanerani pigisanit nalilinnit isertitat annertusiartortarput, utoqqalinersiaqalernerullu nalaani annertunerpaanngortarlutik. Tamanna pigisanit nalilinnit isertitanit takuneqarsinnaavoq. Pigisanit nalilinnit isertitat annertussusaat suiaassutsimut attuumassuteqartut aamma takuneqarsinnaavoq, takuuk titartagaq 3.3.

 

Titartagaq 3.3 2019-imi pigisanit nalilinnit isertitat, ukioqqortussutsinut suiaassutsinullu immikkoortillugit

Najoqqutaq: http://bank.stat.gl/INNPI101  

 

40-it ukioqalernermiit angutit arnanit amerlanerusunik pigisanit nalilinnit isertitaqalertarput. Tamanna assigiinngitsunik nassuiaatitaqarsinnaavoq. Nassuiaat siulleq tassaasinnaavoq, ilaqutariit nalilinnik pigisatik (kreditlån aamma ernianut aningaasartuutit ilanngullugit) angummut nalunaarutigitittarsimasinnaavaat. Nassuiaat taanna titartakkami 3.4-imi ilaatigut ilalersorneqarpoq, titartakkami tassani takutinneqarput nalilinnit isertitat akiligassat akilereernerisigut. Ernianut aningaasartuutit peereernerisigut arnat angutillu nalilinnit isertitaat assigiiginnangajalertarput. Malugiuk pigisanit nalilinnit isertitat negativiunerat tamani, arnat angutillu akornanni aamma ukioqqortussutsini tamani.

 

Titartagaq 3.4 2019-imi pigisanit nalilinnit isertitat akiligassat akilereernerni, ukioqqortussutsinut aamma suiaassutsinut immikkoortillugit

Najoqqutaq: http://bank.stat.gl/INNPI101

 

Isertitat pillugit kisitsisitigut paasissutissanut pigisanit nalilinnit isertitat tamarmik ilaanngillat. Amigaatigineqartut annerpaat tassaapput akileraarutitaqanngitsumik iluanaarutit, ass. illumik tunisinermik pisinermilu aamma utoqqalinersiaqalernissamut pigisanit isertitat, takuuk kapitali 7-imi immikkoortoq 7.3.

 

Naatsorsueqqissaartarfiup kisitsisaataasiviani imminneerlutit inuit isertitaanut tunngasut kisitsisit 2008-miit 2019-imut perusutatit aasinnaavatit.

 

3.2 Kommunini isertitat

Nunatsinni kommunini sisamaasuni Kommuneqarfik Sermersuumi inuit isertitaat annertunerpaapput. Qeqqata Kommuniani isertitat qaffasissusaat nuna tamakkerlugu agguaqatigiissinnerisa missaannik inissisimapput, isertitallu Kommune Kujallermi, Kommune Qeqertalimmi aamma Avannaata Kommuniani kiisalu Kommune Kujallermi nuna tamakkerlugu agguaqatigiissitsinermit 12-22 pct.-it missaanik appasinnerullutik, tassunga tunngatillugu takussutissiaq 3.4 takuuk.

 

2018-imi januaarip aallaqqaataani Qaasuitsup Kommunia kommuninut marlunnut avinneqarpoq. Kommune Qeqertalik aamma Avannaata Kommunia. Isertitat pillugit kisitsisitigut paasissutissani 2002-miit 2019-imut kommunit nutaat tunngavigalugit suliarineqarput.

 

Takussutissiaq 3.4 2019-imi inuit isertitaat agguaqatigiissillugit

	Isertitat katillugit	Isertitat takileraaru-taasussat	Isertitat atoriaannaat
	1.000 kr.
Nuna tamakkerlugu ..........................	259	247	166
Kommune Kujalleq ...........................	213	199	141
Kommuneqarfik Sermersooq ....................	303	294	190
Qeqqata Kommunia ..........................	255	241	167
Kommune Qeqertalik.........................	205	192	137
Avannaata Kommunia........................	224	211	146

 

Najoqqutaq: http://bank.stat.gl/INNPI101

 

2019-imi inuit isertitaat agguaqatigiissillugu 6.000 kr.-it missaanik amerleriarput, pct.-inngorlugu 2,1 pct.-iulluni. Avannaata Kommuniani isertitat annertuseriarnerpaajusimapput, 4,1 pct.-iulluni. Kommune Qeqertalimmi isertitat aamma annertusingaatsiarsimapput 3,2 pct.-imik.

 

Takussutissiaq 3.5 Inuit isertitaat tamakkerlugit agguaqatigiissillugit

	2015	2016	2017	2018	2019	Allannguut  2018-2019
	1.000 kr.					Pct.
Nuna tamakkerlugu ........	233	244	250	253	259	2,1
Kommune Kujalleq .........	193	199	207	210	213	1,6
Kommuneqarfik Sermersooq ..	279	286	297	301	303	0,9
Qeqqata Kommunia ........	231	244	246	251	255	1,7
Kommune Qeqertalik  .......	182	194	193	199	205	3,2
Avannaata Kommunia  ......	195	213	210	215	224	4,1

 

Najoqqutaq: http://bank.stat.gl/INNPI101

 

Isertitat annertusineri malillugit pisisinnaanerup annertusinera takuniaraanni akit ineriartorneri ilanngullugit misissorneqartariaqarput. Taamaaliorniaraani akit naleqqersuutaasa ineriartornerat atorneqartariaqarpoq.

 

Akit naleqqersuutaasa ineriartornerata ajoqutigivaa atuisunik agguaqatigiissitsinermi atuisarneri tunngavigalugit suliaanera. Piviusoq tunngavigalugu isertitat assigiit assigiinngitsorpassuarnik pisiassanik kiffartuussissutinillu pisisoqarsinnaavoq agguaqatigiissitsinermit allaanerungaatsiarsinnaallutik. Taamaasilluni isertitat tamarmiusut aalajangersarneqarsinnaanngillat. Isertitalli pisissutaasinnaasut naatsorsorneqartarput agguaqatigiissitsinermi isertitat aamma agguaqatigiissitsinermi atuisut atuinerat tunngavigalugu.

 

2002-miit 2019-imut isertitat pisissutaasinnaasut 10,1 pct.-imik qaffassimapput. 2015-imiit 2016-imit isertitat pisissutaasinnaasut qaffannerpaasimapput, 3,9 pct.-imik qaffassimallutik. 2016-imiit isertitat pisissutaasinnaasut qaffariartorsimapput, kisianni 2017-imi 1,6 pct.-ioriarluni 2019-imi 0,6 pct.-iusimavoq, titartagaq 3.5 takuuk.

 

Titartagaq 3.5 2002-2019 isertitat pisissutaasinnaasut agguaqatigiissillugit

Malugiuk: Isertitat pisissutaasinnaasut naatsorsorneqarput inuit isertitaasa tamarmiusut (akileraannginnermi il.il) aamma nuna tamakkerlugu naatsorsuutini atuisunut akinut naleqqersuutaanut iluarsaassat tunuliaqutaralugit

Najoqqutaq: http://bank.stat.gl/INNPI501

 

3.3 Distriktini isertitat

Isertitat siusinnerusukkut kommuniusimasunut immikkoortillugit, maanna siornatigut kommuniusimasut distrikinik taasarpavut, takuneqarsinnaavorlu Nuup distriktiani inuit isertitaat distriktinut allanut sanilliullugit qaffasinnerujussuusut, takuuk titartagaq 3.6. 2019-imi agguaqatigiissillugu Nuummi 331.235 kr.-t isertinneqarsimapput, Sisimiut distriktianut sanilliullugu 24 pct.-inik tamanna qaffasinneruvoq. Sisimiuni 2018-imi isertitat agguaqatigiissillugit qaffasinnerpaat tullerisimavaat. Distriktini allani tamani Kalaallit Nunaanni isertitat tamarmiusut agguaqatigiissinnerinit appasinnerupput.

 

Titartagaq 3.6. 2019-imi distriktini agguaqatigiissillugu inuit isertitaat

Najoqqutaq: http://bank.stat.gl/INNPI102

 

2019-imi isertitat Upernaviup distriktiani qaffannerpaasimapput, 2018-imut sanilliullugu innuttaasut 9.000 kr.-nik agguaqatigiissillugu isertitaqarnerusimagamik, procentinngorlugu 5,2-julluni. Nuuk distrikimi isertitat annerpaajupput, tassani 2019-imi inuit isertitaat katillugit 331.000 kr.-usimapput 1,2 pct.-inik qaffassimallutik.

 

Takussutissiaq 3.6 Distriktini inuit katillugit agguaqatigiissillugu isertitaat

	2015	2016	2017	2018	2019	Allannguut  2018-2019
	1.000 kr.					Pct.
Nuna tamakkerlugu	232	244	249	252	258	2,2
Nanortalik ........	157	165	172	176	173	-2,0
Qaqortoq .........	215	222	231	232	239	2,8
Narsaq ...........	189	189	197	202	205	2,0
Paamiut ..........	183	183	191	197	199	0,9
Nuuk ............	308	316	327	327	331	1,2
Maniitsoq .........	209	225	222	224	229	2,3
Sisimiut ..........	242	255	259	265	268	1,2
Kangaatsiaq ......	144	157	157	152	159	4,6
Aasiaat ..........	187	197	197	204	211	3,7
Qasigiannguit .....	191	208	211	213	215	1,0
Ilulissat ..........	219	243	241	244	255	4,5
Qeqertarsuaq .....	201	210	207	224	230	2,6
Uummannaq ......	200	216	212	213	217	2,0
Upernavik ........	162	175	168	179	188	5,2
Qaanaaq .........	145	143	153	160	165	3,4
Tasiilaq ..........	159	167	175	183	179	-2,0
Ittoqqortoormiit .....	185	184	178	189	191	1,1

 

Najoqqutaq: http://bank.stat.gl/INNPI102

 

2019-imi distriktini marlunni, Tasiilami Nanortalimmilu, inuit akileraannginnermi isertitaat katillugit agguaqatigiissinnerini ikilipput. 2019-imi Tasiilami aamma Nanortalimmi innuttaasut agguaqatigiissillugu 2 pct.-inik isertitaat appariarsimapput, takuuk takussutissiaq 3.6 aamma titartagaq 3.7.

 

Titartagaq 3.7 2019-imi distriktini inuit isertitaat katillugit agguaqatigiissinnerini ineriartornerit

Najoqqutaq: http://bank.stat.gl/INNPI102

 

3.4 Illoqarfinni nunaqarfinnilu isertitat

Nalinginnaasumik nunaqarfinni isertitat illoqarfinni isertitanut sanilliullugit appasinnerupput, takuuk titartagaq 3.8. 2019-imi nuna tamaat eqqarsaatigalugu inuk ataaseq illoqarfimmi najugalik agguaqatigiissillugu 268.000 kr.-nik tamakkiisumik isertitaqarsimavoq, nunaqarfimmi najugalik agguaqatigiissillugu 183.000 kr.-nik tamakkiisumik isertitaqarsimasoq. Kisianni titartakkami ersarissorujussuuvoq illoqarfinni nunaqarfinnilu assigiinngitsut, kommunimiillu kommunimut nikerartoq.

 

Titartagaq 3.8 2019-imi inuit isertitaat agguaqatigiissillugu illoqarfinni nunaqarfinnilu

Najoqqutaq: http://bank.stat.gl/INNPI1 01

 

Illoqarfiit nunaqarfiillu akornanni assigiinngissut annertunerpaaq Kommuneqarfimmi Sermersuumiippoq. Kommuneqarfik Sermersuumi illoqarfinni najugallit agguaqatigiissillugu inuup ataatsip isertitai tamarmiusut nunaqarfinni najugallip isertitaannit marloriaataannik annertussuseqarput. Kommuneqarfik Sermersuumi sumi najugaqarneq apeqqutaalluni isertitat nikingasut takuneqarsinnaavoq. Illoqarfinni innuttaasut amerlanersaat Nuummi najugaqarput, Nuummi isertitat qaffasissuupput, nunaqarfinnilu innuttaasut amerlanersaat Tasiilap distriktiani najugaqartut, Tasiilallu distriktiani nunaqarfinni najugaqartut isertitaasa appasinnerat immikkut ilisarnaataavoq.

 

Akerlianik Qeqqata Kommuniani illoqarfinni aamma nunaqarfinni isertitat agguaqatigiissinneri assigiingajapput. Tassani Kangerlussuarmi isertitat qaffasinnerat nassuiaatissaavoq. Qeqqata Kommuniani nunaqarfinni najugallit 40 pct.-ingajai Kangerlussuarmi najugaqarput, taakku nunaqarfinni isertitanik naatsorsuinermi nalitoorujussuupput. Narsarsuarmi isertitat aamma qaffasipput, Kommune Kujallermilu nunaqarfinni isertitanut qaffassaallutik, kisianni nunaqarfinni isertitat agguaqatigiissinneranni nalikinnerupput, Kommune Kujallermi nunaqarfinni najugaqartut eqqarsaatigalugit ikinnerugamik.

 

Illoqarfinni nunaqarfinnilu isertitat nikingassutaat ilaatigut ukioqqortussutsimik tunngassuteqarpoq. Inuit sulisinnaasut akornanni isertitat nikingassutaat ersarinneruvoq, takuuk titartagaq 3.9. Nunaqarfinni ukioqqortussutsini assigiinngitsuni isertitat assigiiaarnerunerat, illoqarfinnilu nalinginnaasumik sulisinnaasut, inuusuttuaqqanut aamma utoqqarnut sanilliullugit isertitaqarnerusarnerat tassani nassuiaatissaavoq.

 

Titartagaq 3.9 2019-imi inuit isertitaat tamarmiusut ukioqqortussutsinut aamma najugaqarfinnut immikkoortillugit

Najoqqutaq: http://bank.stat.gl/INNPI1 01

 

Illoqarfiit kisiisa isigissagaanni, takuneqarsinnaavoq nikingassut annertusoq.

Takussutissiami 3.7-imi, Nuummi agguaqatigiissillugu inuk ataaseq 333.000 kr.-nik tamakkiisumik isertitaqarsimasoq, illoqarfinni allani isertitat tamarmiusut annikinnerusut. Sisimiuni tamakkiisumik isertitat annertunerpaat tullerivaat, tassani inuk ataaseq 264.000 kr.-nik isertitaqarsimavoq. Illoqarfinni agguaqatigiissillugu isertitat tamarmiusut 2019-imi 269.000 kr.-usimapput. Nuna tamakkerlugu illoqarfinni isertitat tamarmiusut agguaqatigiissinnerini Nuummi isertitat kisimik qaffasinnerupput.

 

Takussutissiaq 3.7 Illoqarfinni agguaqatigiissillugu inuit isertitaat tamakkiisut

	2015	2016	2017	2018	2019
	1.000 kr.
Nuna tamakkerlugu............	243	254	260	263	269
Nanortalik .....................	169	181	183	192	189
Qaqortoq ..........................	220	227	236	237	243
Narsaq ............................	182	181	189	195	198
Paamiut ...........................	183	183	189	197	199
Nuuk .............................	311	318	329	329	333
Maniitsoq ..........................	218	235	232	234	238
Sisimiut ...........................	239	251	256	262	264
Kangaatsiaq .......................	158	168	165	164	175
Aasiaat ...........................	188	197	198	205	211
Qasigiannguit ......................	192	209	214	216	217
Ilulissat ...........................	222	244	244	246	258
Qeqertarsuaq ......................	201	211	207	225	231
Uummannaq .......................	208	220	220	223	227
Upernavik .........................	193	200	200	204	222
Qaanaaq ..........................	153	149	160	168	174
Tasiilaq ...........................	174	184	189	201	200
Ittoqqortoormiit.....................	184	181	176	188	190

 

Najoqqutaq: http://bank.stat.gl/INNPI102

 

Nunaqarfiit eqqarsaatigissagaanni nunaqarfiit mittarfeqarfiusut, Kangerlussuaq Narsarsuarlu,  immikkut isigineqartariaqarput, taakkunani isertitat anginerujussuunerat pissutigalugu, takussutissaq 3.8 takuuk. Mittarfeqarfinnit marluusuni nuna tamakkerlugu isertitat agguaqatigiissinnerannit isertitat qaffasinnerupput.

 

Takussutissiaq 3.8 2019-imi agguaqatigiissillugu inuit isertitat tamakkiisut nunaqarfinni qaffasinnerpaamik isertitaqarfiusuni

	2015	2016	2017	2018	2019
	1.000 kr.
Kangerlussuaq (Sisimiut distrikt) ...	319	317	319	325	343
Narsarsuaq (Narsaq distrikt) .......	299	295	301	290	304
Saattut (Uummannaq distrikt) .....	208	257	246	239	235
Nutaarmiut (Upernavik distrikt) .....	159	223	217	226	227
Innaarsuit (Upernavik distrikt) ......	212	252	194	227	226
Qeqertaq (Ilulissat distrikt) ........	172	233	195	245	223
Ilimanaq (Ilulissat distrikt) .........	180	215	243	231	213
Saqqaq (Ilulissat distrikt) .........	193	246	207	196	212
Akunnaaq (Aasiaat distrikt) .......	175	212	191	179	211
Qeqertarsuatsiaat (Nuuk distrikt) ...	194	175	182	206	204

Najoqqutaq: http://bank.stat.gl/INNPI103

 

Kangerlussuaq Narsarsuarlu immikkuullaripput, taakkunani isertitat nunaqarfinnut allanut sanilliullugit qaffasinnerungaatsiaramik, takuuk takussutissiaq 3.8. Mittarfeqarfinni isertitat nuna tamakkerlugu agguaqatigiissillugu isertitanit qaffasinnerupput.

 

Qaqortup distriktiani agguaqatigiissillugu inuit isertitaat 101.000 kr.-ullutik isertitakinnerpaaffiusimavoq Saarloq, 2019-imilu Qaqortup distriktiani nunaqarfiit tamarmik isertitakinnerpaaffiusimapput. Takussutissiami 3.9-imi, nunaqarfiit qulit isertitat tamakkiisut agguaqatigiissinnerini appasinnerpaamik isertitaqarsimasut, takuneqarsinnaapput.

 

Takussutissiaq 3.9. 2019-imi agguaqatigiissillugu isertitat tamakkiisut nunaqarfinni appasinnerpaamik isertitaqarfiusuni

	2015	2016	2017	2018	2019
	1.000 kr.
Saarloq (Qaqortoq distrikt) ........	117	107	107	98	101
Savissivik (Qaanaaq distrikt)......	104	116	114	118	111
Aappilattoq (Nanortalik distrikt)....	113	110	116	122	118
Tiilerilaaq (Tasiilaq distrikt)........	118	120	120	127	121
Qeqertat (Qeqertarsuaq distrikt)...	78	97	100	114	121
Sermiligaaq (Tasiilaq distrikt)......	116	125	131	131	123
Iginniarfik (Kangaatsiaq distrikt)....	107	116	119	108	125
Kuummiit (Tasiilaq distrikt)........	124	120	142	131	128
Kangersuatsiaq (Upernavik distrikt).	119	122	112	127	131
Kullorsuaq (Upernavik distrikt).....	118	130	119	145	135

 

Najoqqutaq: http://bank.stat.gl/INNPI103

 

3.5 Isertitat suiaassutsimut immikkoortillugit

2019-imi angutip agguaqatigiissillugit isertitai tamarmiusut 288.000 kr.-upput, arnallu isertitai 226.000 kr.-ullutik, takussutissiaq 3.10 takuuk. Nuna tamakkerlugu angutip isertitai agguaqatigiissillugit 28 pct.-inik arnap isertitaanit annertunerupput.

 

Angutit sulisinnaasut, arnanut sulisinnaasunut sanilliullugit amerlanerunerat naatsorsuutini ilanngunneqanngilaq, angutit amerlanerusut sulisinnaasut ukiui isertitaqqortunerpaaffiup nalaaniipput, utoqqaallu akornanni tassa isertitakinnerpaani arnat amerlanerullutik. Taamaattumik isertitat nikinganerat kisitsisinit ersersinneqartunit appasinneruvoq.

 

Takussutissiaq 3.10 Agguaqatigiissillugu inuit isertitaat tamakkiisut suiaassutsinut immikkoortillugit

	2017		2018		2019
	Angutit	Arnat	Angutit	Arnat	Angutit	Arnat
	1.000 kr.
Nuna tamakkerlugu ........	280	215	284	219	288	226
Kommune Kujalleq..........	219	193	222	196	226	199
Kommuneqarfik Sermersooq..	338	252	342	255	342	260
Qeqqata Kommunia.........	280	207	283	212	287	218
Kommune Qeqertalik........	235	183	241	185	251	193
Avannaata Kommunia.......	280	215	284	219	288	226

 

Najoqqutaq: http://bank.stat.gl/INNPI101

 

Takussutissiami 3.10-mi takuneqarsinnaasut malillugit angutit isertitaat arnat isertitaanit kommunini tamani qaffasinneruvoq. Ukioqqortussutsit eqqarsaatigalugit nikingassut aamma tamani atuuppoq. Ukioqqortussutsini tamani angutit 2019-imi isertitaat arnat isertitaannit qaffasinnerupput, titartagaq 3.10 takuuk.

 

Titartagaq 3.10 2019-imi agguaqatigiissillugu inuit isertitaat ukioqqortussutsinut aamma suiaassutsinut immikkoortillugit

Najoqqutaq: http://bank.stat.gl/INNPI1 01

 

Inuttut qanoq inissisimaneq sumilu najugaqarneq apeqqutaallutik isertitanut suiaassutsinullu agguarnerini isertitat nikinganerat titartakkami takuneqarsinnaavoq.

 

3.6 Isertitat ilinniagaqarsimanerup qaffasissusaanut immikkoortillugit

Ilinniakkap qaffasissusaa isertitallu ataqatigiinneri malunnaateqarput. Inuit ilinniarluarsimasut isertitaat qaffasinneruvoq inunnut ilinniagaqarsimanngitsunut aamma appasinnerusumik ilinniarsimasunut sanilliullugit. Ilinniarluarsimasut suliffillit ilinniarluarsimasuunngitsuniit akissarsiaginnerunerannik tamanna annerusumik peqquteqarpoq.

 

Ilinniarluarsimasut akornanni suliffeqartut amerlaneruneri taamaasillunilu suliffissaaleqisut ikinneruneri isertitat qaffasinnerinerinut pissutaaqataasut ilagaat. Ilinniarluarsimasut akornanni ikinneroqisut sulinngikkallarnermi pisortanit ikiorsiissutinik pisarput, appasinnerusumik ilinniarsimasut akornanni sulinngikkallarnermi pisortanit ikiorsiissutinit pisartut taakkununnga sanilliullugit amerlanerungaatsiarput.

 

Titartakkami 3.11-mi takuneqarsinnaapput kisitsisit ukioqqortussutsinut eqimattakkuutaannut agguarlugit, ukioqqortussusaat assigiikkaluartut inuit ingerlariaqqiffiusumik ilinniarsimasut isertitaat qaffasinnerusut, appasinnerusumik ilinniagalinnut sanilliullugit, takuneqarsinnaavoq.

 

Titartagaq 3.11 2019-imi agguaqatigiissillugu inuit isertitaat tamakkiisut ukioqqortussutsimut aamma ilinniakkamut naammassisimasamut immikkoortillugit

Najoqqutaq: http://bank.stat.gl/INNPI104

 

Takussutissiami 3.11-mi takuneqarsinnaavoq illoqarfinni nunaqarfinnilu isertitat assigiinngissusaat, ilinniarsimanerullu qaffasissusaa eqqarsaatigalugu isertitat nikinganerat annikinneruvoq. Illoqarfinni nunaqarfinnilu isertitat assigiinngissusaat ilaatigut nassuiarneqarsinnaavoq nalinginnaasumik illoqarfinni ilinniarsimasut qaffasinnerusumik ilinniarsimasuusarnera t.

 

Takussutissiaq 3.11 2019-imi agguaqatigiissillugu inuit isertitaat tamakkiisut najugaqarfinnut, suiaassutsinut aamma ilinniakkamut naammassisimasamut immikkoortillugit 

	Illoqarfinni		Nunaqarfinni
	Angutit	Arnat	Angutit	Arnat
	1.000 kr.
Tunngaviusumik ilinniarfik .............	219	161	185	135
Ilinniarnertuunngorniarfik .........	308	199	257	177
Inuussutissarsiutigalugu ilinniarfik ..	387	285	293	225
Naatsumik ilassutitut ilinniarfik...........	268	213	242	169
Ingerlaqqiffiusumik ilinniarfik akunnattumik sivisussusilik........................	536	409	415	390
Ingerlaqqiffiusumik ilinniarfik............	764	578	..	..

Najoqqutaq: http://bank.stat.gl/INNPI104